黃智雯批爆功夫男眼角
藝人黃智雯日前拍攝無綫新劇時錯手打爆演員曾海昌的左眼角，她直認內疚爆喊：「佢傷口爆開咗，仲流好多血，冇諗過自己破壞力咁強！」
忙於拍攝無綫劇集《三個女人一個「因」》的藝人黃智雯（Mandy），日前因缺乏拍打戲經驗，不慎打爆《功夫新星》出身的曾海昌左眼角。事後Mandy直認內疚爆喊：「我角色有多重人格，第二人格好狂野同暴躁，成日打人發洩。咁啱有場戲見到曾海昌飾演嘅賊仔打我男友陳智燊，所以我上前用手(月爭)批佢個頭。點知批錯位打中佢眼角位，即刻爆開咗3cm傷口，仲流好多血，我見到都忍唔住喊！」
學過拳用慣死力
她稱得悉對方入院後證實無大礙，才放下心頭大石，但會繼續傳短訊問候對方，直言以後打醒十二分精神度準位置：「冇諗過自己破壞力咁強。（食過夜粥？）為拍劇同興趣學過蔡李佛拳，可能用慣咗死力。」她直言尚要拍不少打戲，目前仍有陰影而不敢出手，幸得監製潘嘉德及同事安慰才平復心情。而已入院處理傷口的曾海昌稱傷口已埋口：「意外嚟啫！唔使縫針。」
發難打埋袁偉豪
而早前Mandy與袁偉豪（Ben）到中環開工，只見劇中被Mandy發難動粗的Ben只以「壁咚」及「抱抱」還擊，但都硬食了幾吓！對於Mandy誤傷同事，Ben坦言有安慰對方：「動作戲少不免受傷。（避開佢嚟拍？）我會就位。（佢好大力？）平時唔多覺！可能佢錫住我！」而同劇陳智燊則稱事發後再與Mandy拍打戲，眼見對方出手都有所避忌。
文：影視組