栢芝拍戲玩命阿仔緊張有冇保險

女星張栢芝飛抵上海，會合韓團Big Bang成員T.O.P宣傳新片《失控．幽靈飛車》，栢芝先後換上兩套靚衫，其中一套小蠻腰盡現。當二人乘名車進場後，T.O.P為栢芝開車門，又幫她披外套，盡顯紳士風度！現場播放電影精華片段，栢芝在開行中的私家車車頂演戲，而T.O.P則從直升機跳落私家車，睇到粉絲一額汗！栢芝笑說：「我覺得很安全，拍得很順利，一Take過。」但原來T.O.P畏高，問到當時在想甚麼，他搞笑地說：「媽媽，我很掛念你！」席上，栢芝準備了模型車送給T.O.P，並說：「佢仲未有車牌，送畀佢睇住先啦！」T.O.P即說：「後天我返回韓國時開着它吧！」