老友高皓正慨嘆：搞人老婆就唔啱！
與裕美相識十年、擔任其婚禮司儀的好友兼教友高皓正，接受《東網》電話訪問時對她搞離婚一事，他連聲嘆氣：「唉……老實講我近期真係冇同裕美聯絡，因為我好忙湊仔，詳情我唔涉及，但略有所聞，佢哋（裕美及林恩浩）兩個咁大個人自己解決啦，佢哋都係我熟嘅朋友，唔評論咁多已經係幫咗佢哋。」
雖然高皓正口講不評論，但卻不慎洩露口風指兩人仍未離婚，當記者表示裕美自稱正辦離婚手續時，他則改口說不清楚。他表示與黃子恆相識但不熟落，又直斥：「搞人老婆就係唔啱！（指黃子恆？）我冇講邊個，冇講任何一個人，不過『搞人老婆就係唔啱』係真理，我只可以支持裕美同林恩浩，等佢哋自己成長，外界唔好講咁多。」但高皓正之後再次接受電話訪問時，則表示後悔發表意見，又指這是別人夫婦的私事，不宜多說。