Stephy長勝軍 密友睇直播打氣

藝人鄧麗欣（Stephy）昨日率領其排球隊Loey參加「第36屆全港公開排球錦標賽」女子丙組複賽賽事，由4月初資格賽、初賽到複賽，至昨晚為止Loey共八場全勝。Loey昨日要連打兩場比賽，Stephy落場即猛力扣殺，不時瞓身救波，第一場Loey輕易連贏2局勝出；晚上第二場比賽戰情緊湊，Loey先輸一局，最終連追兩局，成功以首名資格出線爭入決賽四強。

食完西多士散咗

Stephy完賽後開心地說：「其實第二場輸咗Loey都可以出線，但我哋想全勝，（今日對手好勁？）我哋唔勁咩？Loey遇強愈強，排球係好奇妙，唔可以只得一兩個好勁好大力嘅球員，都要睇團隊精神。」素顏上陣的Stephy續說：「最緊要唔好畀個波落地，頭先第一局少少失準，但今日大家心態幾好。（會唔會慶功？）攞冠軍先，晏晝都食咗餐，就因為大家食咗四、五份西多士，第一局咪散咗。」

放大圖片	瞓身救波	重力扣殺

曾與她傳緋聞的台灣同性緋聞教練小牛（鄧衍敏）昨日未有到場，Stephy昨午第一場比賽後說：「網上有直播，佢都係網上睇，佢唔嚟因為遠同埋怕咗你哋（傳媒）。」

夢想親自搞比賽

Stephy很重視今次排球錦標賽，因比賽日子早已落實，所以比賽前後都盡量不會安排工作：「起碼唔會拍完通宵再比賽。（怕瞓低？）怕呀，我呢啲大人10年，但我都幾proud of自己體能keep到，起碼跟到大家，所以唔可以偷懶。」Stephy的夢想是自己搞比賽，她希望參考其他國家主辦排球比賽的形式，既為圓夢也可推動排球運動。問她是否借排球忘情？Stephy表示工作及打排球能令心情放鬆，可會叫好姊妹吳雨霏、楊愛瑾等來支持她？她笑說：「我有叫過，但佢哋對排球冇興趣。」

文：音樂組