賭王長女何超英病逝

賭王長房女兒何超英，是長房的大女，年輕時長得非常漂亮可人，曾負笈英國修讀法律系，可謂才貌雙全，她與前夫蕭百成育有一女蕭玟錚（Ringo），昨日Ringo在夫婿Chaim Scowcroft陪同下在中環文華東方酒店會見記者，親述喪母之痛。

Ringo談到失去最敬愛的母親時，仍難掩傷痛，她說：「媽媽喺上個禮拜四（4日）過咗身。（究竟佢係乜嘢病？）好難講，其實七年前佢開始有神經線和血管問題，之後兩個腎都壞咗，後尾腦爆血管，昏迷入咗ICU，直至上個禮拜四過身。（媽媽有冇遺言？）佢冇乜心願未了，亦冇遺言，因為佢之後一直處於昏迷狀態，昏迷咗十日，我一路都喺醫院陪住佢。」

白頭人不送黑頭人

其夫婿Chaim特別從夏威夷來港陪Ringo處理母親的身後事，而母親的喪禮已辦得七七八八，定於明天（10日）在香港殯儀館設靈，翌日出殯，遺體將葬於何東家族位於摩星嶺的昭遠墳場。問到賭王獲知喪女消息後是否很傷心？Ringo說：「佢應該好傷心。（何鴻燊會否出席喪禮？）唔會喇！因為白頭人唔好送黑頭人。」Ringo表示媽媽和婆婆都是天主教徒，她則是基督教，故喪禮設計以天主教為主，但儀式則會採用基督教。

歐遊時刻最是難忘

提到昔日與母親相處的難忘時刻，Ringo面上始露出微笑，稱最開心的回憶都是在小時候，她說：「記得9歲嘅時候，我哋喺瑞士住，媽媽會喺學校接我，一齊喺湖邊散步，餵吓鴨仔同天鵝，個畫面好平靜、好靚。仲記得喺我3歲時，同媽咪喺巴哈馬一齊參加當地嘅節日Junkanoo，大家都着住色彩鮮艷嘅服裝，好開心！」自從母親患病後，Ringo一年中有一半時間留港陪伴媽咪，一半時間返夏威夷陪伴夫婿，她讚母親個性堅強，很值得人尊敬，她說：「我都有晒心理準備，因為佢病咗咁耐，好堅強，我知佢其實好辛苦。」

而超英的胞妹何超賢，昨亦回覆記者時稱：「佢（何超英）上個禮拜走咗，佢一路住喺養和，都住咗起碼兩、三年，其他嘢等Ringo交代。」

文：名人組