陳靜開聲恨男友下廚

陳靜昨日出席慈善活動，同場還有曹敏莉、余思敏、傅嘉莉等。陳靜表示聖誕節會與男友各自慶祝：「已經同朋友開咗幾個party，今年特登去學整曲奇，仲第一次整火雞。（台灣男友有冇試過你手勢？）佢生日我有煮麵畀佢食，都想有人可以煮畀我食。（男友有冇煮？）冇囉，所以我依家講。」她又謂聖誕後才計劃與男友一起去旅行滑雪：「今年學咗一次滑雪，傷咗腳依家仲未好番，不過我自從嗰次之後就好想再滑雪，男朋友完全唔識，我叻過佢少少。」她透露男友幫家族打理生意並從事珠寶工作。