羅霖獲友人追捧做美魔女校長

「美魔女」羅霖（Candy）昨日穿上桃紅色tube dress谷胸出席美容活動，Candy表示今年有好多工作，可以過一個肥年，更透露有不少朋友叫她拍片教人美容修身，令她想開一間美容學校：「我本身有間美容院，但我想開學校做校長，開美容營養班，想明年開，但要搵個partner，自己一個好難籌備，預7位數以上。」

咁嘅年紀仲有工開

她透露今個月有6個工作，但仍未計內地的工作，笑言：「咁嘅年紀都仲有工作，所以唔好自卑。（聖誕節工作中過？）休息一日陪小朋友，反而12月31要去北京做嘢，希望早啲做完，趕返去同小朋友倒數，未試過唔同小朋友過，嗰邊叫我帶埋小朋友嚟北京倒數，但又唔知有咩啱佢哋玩。」

羅霖視三個兒子為命根。（資料圖片）

羅霖與醒獅的顏色襯到絕。

拒接拍內地真人騷

有不少藝人都接拍內地真人騷，Candy表示有傾過，雖然酬勞多，但因拍攝時間長而拒絕：「24小時拍住，我擔心會失眠，而且要拍30日太耐，我有小朋友唔可以離開咁耐，我知拍完會喺內地提升知名度，但原來我喺外國出名啲，因為本寫真，有位土耳其朋友話佢嗰邊都有報道過。」她表示親子真人騷都不考慮，因為拍攝時間長，不想小朋友辛苦。

文：名人組