麥芷誼瞞天過海 裸膽做主角
「理大連詩雅」模特兒麥芷誼（Koyi）立志做演員，近日Koyi終得償所願，拍電影做女主角。片中全裸上陣的她，自爆瞞着公司及家人去面試，又笑言在招募期間，以為是騙案而差點錯失美好機會！
有「理大連詩雅」之稱的麥芷誼近年專注模特兒工作，但對演戲有一顆熱切之心的她，今年年頭在機緣巧合下，獲機會參與電影《同班同學》演出，並有份擔任女主角之一。Koyi坦言起初以為是「騙案」：「其實個同學我唔係好記得佢係邊個，佢喺Facebook同我講拍電影要全裸，我有一刻以為係騙案，其實我起初冇理佢嘅，隔咗一陣就有公開招募，我朋友先同我講係真嘅，我先再搵番個同學，點知佢同我講得番幾日機會。」
偷往面試
Koyi這個決定原來是欺騙全世界，偷偷去面試：「我唔敢同公司、屋企人，甚至朋友講，自己覺得呢個機會好難得，點知真係入咗second in，我都仲係唔敢講，因為覺得未必得。點知我真係中咗，就即刻同公司講。（公司ok？）公司都支持嘅，覺得我同屋企人唔介意全裸就ok。（唔驚公司反對？）嗰陣冇諗咁多，只係覺得機會好難得。」
家人力撐
雖然要全裸演出，面對的壓力一定大，但Koyi坦言慶幸獲得家人支持：「屋企人好支持我，一開始我冇講全裸，只係話比較性感。點知拍嗰陣就有報道，我就主動講，媽咪叫我畀心機，證明有人留意。」問到Koyi有否擔心被定型為性感女星？她堅定表示：「開頭都有少少，但我好有信心，相信大家會留意我嘅付出，知我係有心做好演員工作。」
Profile
姓名：麥芷誼（Koyi）
年齡：23歲
三圍：33Ｂ、24、36
身高：1米71
文：專案組