塚原亞津沙人細志氣高

好多人都話大人做大事,小人物就做小事,其實咁講法就太謙虛喇!只要有決心,其實小人物都可以做大事,建立漢朝嘅劉邦只係一個亭長,佢嘅後代劉備都係個賣草鞋小販,但係兩人後來都成功稱帝。而日本寫真界新人塚原亞津沙雖然年紀小又細細粒,但係志氣高,立志將來成為樂壇偶像。

胸大身薄

日本寫真界女優壇蜜同篠崎愛係好多男人心目中嘅偶像,同一時間佢哋其實亦都係寫真偶像心目中嘅偶像,原因係二人除咗喺業界發展成功,更加成功跳出寫真界向演藝圈以及樂壇進軍,而寫真界新人塚原亞津沙就當正篠崎愛係奮鬥嘅終極目標喇!今年19歲嘅亞津沙俏麗可人,精靈又可愛,面上仲有少少嬰兒肥睇落更見萌味。如果將亞津沙同佢偶像篠崎愛比較,兩者相信有勝有負打個和。亞津沙同篠崎愛一樣咁卡娃伊,上圍則較愛妹細一個Cup,但係胸前對E奶絕對分量十足,最重要係亞津沙擁有比篠崎愛更纖巧嘅身體,加上身高只得4呎10吋,令呢對E奶予人十足震撼力,認真係廟細燈籠大,擔心阿妹失平衝會仆親。

成功一半

塚原亞津沙挾住王道美少女嘅名義進軍寫真界,所謂王道即係形容亞津沙美貌生得非常標致。雖然早前亞津沙加入寫真界嘅日子相當淺,但係憑住可愛童顏加上激凸上圍,成功打響名堂,相信未來阿妹嘅名堂會更加響。雖然早前亞津沙參加選美活動「Miss FLASH」最後被淘汰,然而專心拍寫真就令亞津沙人氣穩步上揚。另一方面,阿妹表示拍寫真其實只係過程,因為佢好想可以跟隨住童顏巨乳代表篠崎愛嘅步伐,由寫真女郎變身成為樂壇歌手。其實,亞津沙暫時嚟講可以話成功咗一半,參加選美活動之時,阿妹已經接受歌藝培訓,今年8月佢仲以歌手身份同其他寫真女郎一齊喺麻布十番祭上台獻唱,阿妹你要繼續努力呀!

社交網站

簡介: 塚原亞津沙現時主要工作係拍攝寫真以及出席攝影會,而從其Twitter當中可以睇到阿妹嘅工作花絮,有興趣不妨Click入去睇睇。

網址:https://twitter.com/azsa1120

塚原亞津沙Profile

年齡:19歲

身高:4呎10吋

三圍:34E-22-32

撰文:賢