嘉玲無辜被牽連：約行山有咩問題?

更多新聞短片

嘉玲對於無辜被捲入之之「分訊」，大感莫名其妙。

光明正大懶理猜測

對此，劉嘉玲接受電話訪問時，談到之之所指的「他們」，她表示：「我都一頭霧水。」與之之分屬好友的嘉玲，更表示剛剛才得悉她離婚的消息：「我都係今日先知佢結咗婚，亦係今日先知佢離咗婚。傳媒知咁多，我就知咁多。」問到為何之之所言似若有所指？嘉玲說：「我冇睇片，唔知佢咩情況下咁講，亦唔想去猜測。總之我光明正大，件事會水落石出。」

叫陳生行番出嚟講

身為行山愛好者的嘉玲，不時相約圈中好友行山，她坦言與朋友行山是一件很普通的事：「我哋都係一班朋友，定期有聚會，大家會講吓近況同嗜好。原來好多人鍾意行山，一來可以呼吸新鮮空氣，二來可以鍛煉身體。既然有共同嗜好嘅人，啱時間，啱日子，約埋行山有咩問題？我同發哥都有行過山o架。」對於之之離婚一事，嘉玲坦言不方便回應太多：「最好陳泰銘先生自己行番出嚟講。」嘉玲無辜被捲入之之「分訊」，其丈夫梁朝偉未就事件回應，其經理人公司澤東透露偉仔正身在內地拍劇，不方便回應事件。

日前嘉玲與陳泰銘一起行山，同日嘉玲更坐巴士。	嘉玲不時相約圈中好友行山，發哥亦是其中一分子。	嘉玲丈夫梁朝偉身在內地拍劇，未有回應事件。

文：影視組