麥明詩有錢有Say：做一世都簽！

港姐麥明詩（Lousia）、龐卓欣（Ada）、郭嘉文與林凱恩昨日出席慈善義賣活動記者會。對於有傳Lousia與Ada拒簽無綫，打算卸任後做回老本行，兩人透露與無綫洽談合約中，問到是否拒簽長約？曾揚言想從政的Louisa笑說：「我想擺多啲時間喺自己鍾意做嘅嘢上面，做特首都要等到40歲，除非簽17年約！有考慮返去做律師，始終律師係份穩定啲嘅工作。」問到緋聞男友林作有何建議？她說：「大家朋友會互相鼓勵做番自己鍾意嘅嘢。」

龐卓欣否認有施壓

不過，Louisa坦言有興趣入娛樂圈及拍劇，但揀工要睇各方面實際因素，最緊要收入穩定及有發展機會。問到願意簽幾年約？她笑說：「如果發展得好好做一世都簽！（簽TVB一世？）如果發展得好冇所謂。」Ada則表示無綫未有施壓簽約，目前盼多做有關動物的慈善活動：「可以順道領養動物。」Louisa即搭訕：「我都鍾意小朋友，再領養埋小朋友。（自己生？）咁又唔好住，想Keep住身形。」

麥明詩一見小朋友即爭住傾偈，但自己未Ready生仔。	林作在咖啡店等候麥明詩，斷正後即「遊花園」。	放大圖片

林作飲咖啡等女友

另外，林作昨日傍晚現身Louisa寓所附近的商場，一個人於咖啡店飲咖啡，未知是否等候會合。當發現記者時，他即四圍行遊花園，繼而步向酒店方向失去蹤影。

文：影視組