周家蔚 兩個唔夠老爺傳追女秘方

更多新聞短片

產後已明顯修身的周家蔚，率先與三位小朋友試玩馬會舉辦的嘉年華活動。

大仔呷醋拋棄

Janet受訪時自言非常重視親子活動，閒時會帶大仔洪大仁（TJ）四出遊玩：「生BB時就交咗TJ畀天明照顧，等佢唔好呷醋，我有同佢講生細佬係想有人陪佢玩。（細佬出世後有呷醋？）見佢扭計同炆多咗，但佢都慢慢適應緊，開始會攬細佬、錫佢。」Janet又傷心大爆慘遭TJ拋棄：「佢會話『爹哋係TJ嘅，媽咪係細佬嘅』，我媽咪話多咗個B就好似老公多咗個二奶咁，仲喺你面前親密，所以其實佢好Hurt。我自己初頭都有唔開心，心諗放咁多時間照顧你，你依家要爹哋唔要我，所以天明唔喺係香港時，我就獨霸兩個，搶番佢個心返嚟！」

月底搞池畔P

已正式上學的TJ，雖然參與不少興趣班如游水、跳爵士芭蕾舞等，但Janet揚言絕非怪獸家長，不會要兒子樣樣都叻。問到會否有意追女？她笑言：「我都想，老爺（洪金寶）仲好心急講晒啲秘方畀我。」將於本月25日生日的Janet，透露天明有意為她大搞池畔派對：「佢話知我生仔辛苦，但我就話自己未修好身，仲要減多10幾磅。」文：名人組

周家蔚指大仔TJ因呷醋而改黐爹哋洪天明。

周家蔚坦言老爺洪金寶已急不及待傳授追女秘方。