組合Super Girls連續第三年為萬成永成攝影器材有限公司擔任代言人，今次五人遠赴南太平洋島嶼的天寧島取景，其中要濕身拍攝的成員Heidi全程毫無怨言，更大讚如置身仙境：「其中一日喺酋長細灘嘅沙灘拍攝，要經過一個岩石洞先到，但去到就好似喺仙境咁，好多奇形怪狀嘅岩石，雖然要落水影，但影出嚟個效果真係好靚好性感。」
而Yanny就話最深刻的景點是噴水海岸：「風浪大嗰時噴泉噴出嘅水柱可以高達20呎高，另外我哋仲去咗草原拍攝，好似喺宮崎駿動畫場景入面咁。」
