謝賢湊孫賀壽 笑晒老鼠仔

本月9日是謝賢79歲牛一，孝順仔謝霆鋒昨日特別安排兩個囝囝Lucas和Quintus在其半山寓所跟爺爺一起慶祝，他親自下廚煮番幾道撚手菜色。約下午3時，狄波拉、謝婷婷先後往霆鋒寓所，拉姑亦帶備一些美食，拎到一袋二袋，工人落樓幫手拿東西，未幾主角謝賢單拖抵達，心情大靚的壽星公見到記者即笑容滿面，問到生日願望？他笑言：「幾十歲唔使講呢啲！」提到是否跟兩個孫慶祝？謝賢故作神秘只說：「吓！」說畢進入大廈。其後拉姑老公鬍鬚Kong亦到賀。霆鋒晚上在微博貼相祝父親身壯力健，相中的謝賢拿着壽包展露「老鼠仔」。