基仔結婚周年請飲雞尾酒

古巨基去年七月與得力助手Lorraine結束愛情長跑，跑到拉斯維加斯結婚，上月剛度過一周年紀念，並落實於今年11月11日的光棍節於中環的四季酒店補擺婚宴。昨日基仔透過電話表示：「唔係特登揀光棍節，係咁啱唯一呢日有酒店場地，亦都係好日嚟。」基仔稱婚宴以雞尾酒會形式舉行，因兩人都喜歡簡單，亦會穿婚紗禮服出場，基仔謂：「由喜帖、場地布置我都會參與設計，而古太嘅婚紗，我亦打算親自『出手』設計。」最Sweet是基仔的國語主打歌叫《找到你是我最偉大的成功》，就連巡唱主題都名為《我們》，完全展露出他婚後的幸福。