麥明詩暗寸龐卓欣高調拍拖

「2015香港小姐競選」十二位佳麗昨日出席「莎莎化妝品專門店」舉行的活動，並分開四組玩遊戲，最終由A至D佳麗的一組勝出奪「美麗皇者」獎項。麥明詩表示求學時期專注學業，故經常素顏示人，直至在外國做暑期工才稍作化妝和打扮。問是否吸引很多男士追求？她說：「我唔知係咪有人追我，因為自己唔想自作多情，我比較專注學業。」

曾愛港男

麥明詩承認曾經與香港男士拍拖，但最終分手收場，但與參選港姐無關。問拍過多少次拖？她謂：「呢啲咁私人嘅問題，唔想啲感情事當係焦點。（龐卓欣公開拍拖喎！）大家路線唔同，我覺得啲嘢雖然係見得光，但都唔係一定要擺出嚟曝光。（佢好高調？）呢啲係個人選擇。」

程莉欣承認箍牙超過一年。

朱嘉莉修身成功，獲讚穿衣比之前好睇。

自認冷門

曾被拍得與男友恩愛拍拖的龐卓欣則謂：「我唔係高調，都係普通情侶行街、睇戲（口者）。我都要維持關係，但被傳媒影到我都冇辦法。」她透露今次參選遇上同學麥明詩其實很有趣。問二人會否有戒心，她說：「唔會，大家一路係朋友，依家更親密。」再問覺得誰會勝出？她說：「唔知。（你想唔想？）我梗係想贏，但近年好似冷門勝出。（咁你想變冷門？）其實《東網巨星》第一階段投票，我只得第六名咋，都係冷門，對自己有信心。」

同場的L朱嘉莉的身形比初入圍時纖瘦，明顯瘦身成功。她開心表示獲服裝師讚穿衣服比之前好看，增加入三甲的信心。問上圍有否縮水？朱嘉莉說：「衫就真係鬆身咗。」H程莉欣被發現原來一直有箍牙，她承認已箍了一年多，希望決賽當晚可脫下。

文：影視組