今集講靚佬湯決心揪出密謀消滅職業特工隊（IMF）的神秘組織主腦（Sean Harris飾），但被陷害搞到邊被中情局針對，邊要爭分奪秒與拍檔及亦敵亦友的「湯女郎」莉碧嘉費格遜（Rebecca Ferguson）合作闖關。
動作場面密集
片長逾兩小時，但靚佬湯的文戲每每不過一分鐘，驚險動作場面密集，上天落水都玩勻，有齊動作諜戰電影所需的感官刺激有餘。年過半百的他閉氣幾分鐘、親身爬飛機又飛電單車「片彎」，硬橋硬馬功夫夠俐落，令人睇得緊張入肉又過癮，誠意滿分，但最驚喜莫過於莉碧嘉睇得又打得。此外，劇情有齊想帶特工離開戰場的女人，加上擅玩心計揣摩人性的奸友，甚有邦片影子。
文：常歡