劉嘉玲撐愛護大自然
蔡一智行山在樓梯級刻字留名，最後勇於承認自己無心之失。身為行山愛好者的劉嘉玲對於一些無心之失的郊遊人士事後勇於承擔責任是一件好事。嘉玲自與周潤發經常行山後，自言愈來愈喜歡行山：「香港嘅郊遊地點絕對值得香港人驕傲，除吸引本地行山同踩單車人士外，甚至有好多外國遊客慕名而來。置身於大自然令人心情開朗，有關方面花好多心機投資、維修同保護大自然環境，我哋對郊遊地點每一處設施，甚至一草一木都要好好保護！」
嘉玲表示作為愛好大自然一分子，應該要以身作則，但也明白到有小部分人一時疏忽做了一些可能損壞郊遊設施的行為：「我明白絕大部分人未必係故意，只係一時興起而忘形，我每次行山，見到有好多靚花，都曾有衝動去採摘，但都會諗如果每個人都係咁，其他人就欣賞唔到咁靚嘅花，建議大家可以用相機或手機影低留念！」嘉玲又謂現在郊野公園就連廁所都十分乾淨，再三希望大家可以保護大自然及公共衞生設施。
此外，嘉玲昨晚以全黑套裝打扮現身活動，原來禾稈冚珍珠，在鎂光燈下疑似透視，相當性感！