羅霖淺嘗即止 做「may may」族
前亞姐羅霖前晚谷胸出席慈善名酒晚宴，她表示公司贊助了是晚共七位數字的名酒，問她是否酒量很好？她又自嘲是「may may」：「依家愈嚟愈識品酒，每支酒都要『may』少少，所以我叫『may may』，淺嘗OK，最重要學到好多嘢。」透視谷胸的她被指性感？她笑說：「件晚裝非常之收身，好似宮廷谷胸裝咁，一件好嘅晚裝同內衣一樣可以着到女人身形靚。」
而「鯊魚女」陳細潔就與男伴一同現身，但就否認是男朋友：「現身就見到，到時拖埋隻手過嚟畀你哋睇，依家未係時候。」她謂現在也有跟男友人吃飯出街，並笑說：「女人係應該拍吓拖刺激吓，畀人氹，人係要有喜怒哀樂！」