呂珊玩緋聞：我唔係姓陳
靚聲歌后呂珊昨日為《弦來最愛呂珊X管弦樂演唱會2015》舉行記招，公布在5月2至3日假伊館開唱，李思捷、麥玲玲、謝雪心、麥長青、「鬥氣冤家」安德尊與李錦聯等嘉賓現身撐場。染了白髮、白眉的呂珊閃爆出場，思捷上台表示去年獻出了第一次，為呂珊擔任個唱嘉賓，並講有味笑話說：「好彩我第一次係畀咗女人。」怎料呂珊聞言後將思捷與陳雅倫的緋聞擺上枱說：「我唔係姓陳o架！」
呂珊在受訪期間表示今次個唱檔期趕急，加上有劇在身，故令原定一場在馬國的個唱須延期舉行，對於她早前傳出患上厭食症以致暴瘦？呂珊表示：「我身體OK呀，可能我拍嘢唔食消夜，所以望落去瘦啲。」她稱不會刻意增肥，反而會在騷前加操：「我覺得依家差唔多啦，有100磅，之前報道仲話我70、80磅，咁就死得啦！」
李錦聯唱衰安德尊
另外，同場加映一場「花生味」濃的「李安」大戰，屢傳不和的安德尊與李錦聯繼續正面交鋒，擔任司儀的安德尊多次開咪寸爆對方不請自來：「李錦聯，你點解會嚟嘅？你好得閒咩？都冇請到你。」當李錦聯上台祝賀呂珊開唱時，安德尊問到「世仇」屆時唱哪首歌曲？一直處於下風的李錦聯終發火還擊：「唱衰你囉。」其後安德尊又拒絕與李錦聯合照，最終在傳媒要求下，才孖實呂珊合照。未知是否被寸到火起，李錦聯下台後即玩無聲抗議閃人，於全體大合照時已不見影蹤。
文：音樂組