家陣嘅父母都好注重小朋友學業以外嘅發展，安排佢哋喺課餘時間學玩樂器、跳舞等興趣班，年紀輕輕就實力不凡，今年1月至剛剛好18歲嘅石田亞佑美就係一個好例子喇，而阿妹佢唔單只唱得跳得，仲相當睇得添！
女仔聽到我哋男人話睇緊寫真集，好多時都會投以歧視目光，我好想就呢個現象解釋一下，因為事實上好多水着寫真集都以健康性感為主，並非一味賣弄色情淫穢。再者水着女優亦有分好多類型，好似情色女王壇蜜當然以情色演出為主，而今日為大家介紹嘅石田亞佑美就主打天真無邪，正常男人見到呢位咁可愛嘅妹妹仔，應該都唔會生起邪念喇。踏入2015年1月剛剛好18歲嘅亞佑美一派天真純潔，可愛又無邪氣嘅笑容足以令萬物為之融化，令麻甩佬回復童真。亞佑美身材都幾有料到，體態纖巧肌膚雪咁白，上圍都叫做有睇頭，比起好多同樣行可愛路線嘅女優更具吸引力。
大家唔好睇亞佑美咁後生，就以為佢啱啱出嚟投身演藝事業，其實喺2006年至2009年阿妹就已經拋頭露面，因為當時佢係日本職業棒球隊樂天老鷹嘅啦啦隊成員，成日同隊友落場為球隊打氣。做得啦啦隊除咗要青春活潑，當然要跳舞耍家啦，呢一方面阿妹絕對冇問題。佢自小就接受舞蹈訓練，加入啦啦隊之後繼續鑽研舞藝，而上乘嘅舞功就幫助到佢加入美少女組合BeeF.L.T.，喺舞台嘅出色演出，令亞佑美成功吸引其他組合注目，2011年參加早安少女組選拔賽就係咁順利從六千名參加者當中脫穎而出。亞佑美成為早安少女組成員之後繼續大放異彩，好多成員都欣賞其認真嘅演出態度及舞功，隊長道重沙由美仲欽點佢做接班人，可見亞佑美幾咁出色，未來嘅少女組就靠晒你喇！
由於石田亞佑美成為早安少女組新一代嘅標誌性成員，事務所希望佢盡可能透過組合嘅官方博客發布消息，大家想知道其最新動向，就要從呢個渠道入手喇。
網址：http://ameblo.jp/morningmusume-10ki
年齡：18歲
身高：5呎1吋
三圍：32-23-33
撰文：賢