軒仔收巨花膠 轉送至愛

張敬軒昨日以全白色造型出席專輯祝捷會，更特別花心思在左邊臉貼上圖案，期間經理人Mani送上巨型花膠王作賀禮，軒仔望着花膠王即笑問：「嘩，豬皮嚟定係鞭呀！」Mani指是三年前吳雨大哥所送，表揚她在英皇工作了21年，現把禮物轉贈給他，軒仔笑謂：「打21年工先有舊花膠！」

臉貼「雲圖」

Mani亦抵死說：「如果你開心可以留畀你另外一個至愛。」軒仔即時措手不及只得說：「你講埋啲咁嘅嘢呀。」之後吳雨宣布軒仔獲頒白金唱片，他向軒仔打趣說：「嗰舊膠放咗床下底好耐，假o架唔好食，佢（指Mani）成個人都膠啦！」

軒仔臉上貼上特別圖案，他指名叫「雲圖」。

霍汶希送上巨型花膠王給軒仔。

隨後軒仔接受訪問，被問到Mani提議他與至愛分享，軒仔即說：「唔知佢邊個，我至愛係阿媽，呢啲開心事，一係趁新年時叫晒同事嚟『一鑊熟』食咗佢！」問到軒仔臉上的圖案，他說叫「雲圖」，可有特別意思？軒仔似有暗喻說是用了75吋的冷線來貼成，他又補充笑言：「75吋有1米8，係我身高嚟。」

力挺新歌手

講到若軒仔出席無綫「勁歌」頒獎禮，攞男歌手獎機會是否也大？他謂：「每個頒獎禮標準都唔同，無綫本身都有唱片公司，好似有鄭俊弘、許廷鏗咁！（鄭俊弘今年先出道喎？）頒獎禮唔使計輩分，當年我首《酷愛》爆咗出嚟，都由二打六變咗可以角逐男歌手三甲啦！所以冇得咁計。」

講到金鐘清場，軒仔稱出門時都有留意新聞，他如市民、父母、老師的理念一樣，都是想香港好，香港未來發展都是靠新一代，所以，不如早點返回校園讀書，可以早點出來造福社會。

文：音樂組