劉家輝發信收屋 兒子恨見一面
武打藝人劉家輝2011年8月中風導致半身不遂後，一直接受治療，但在休養期間，是非不斷，期間更有指他跟第二任泰國籍妻子馬飛鳳及一對仔女冼峻龍、冼詠珊因財決裂，而最近決裂事件升級。兒子冼峻龍日前收到由劉家輝委託之律師發出的律師信，要求正居於劉家輝中環堅道物業的冼峻龍遷出。
兩年多冇見老竇
冼峻龍及其母馬飛鳳日前接受專訪，冼峻龍直言若是爸爸的意願，他一定會遵從，他謂：「我同妹妹等咗兩年幾，都只係想見爸爸一面，所以我依家只有一個要求，就係見爸爸，之前已經透過律師要求但一直都見唔到，依家叫我搬走，我都會去澳洲發展，唔再留喺香港，走之前想見爸爸一面。」馬飛鳳表示自己兩年來看着一對仔女用盡方法都只想見父親一面，但一直未能如願，大感心痛，她說：「父親同仔女嘅親情好重要，點解會搞成咁？仔女好掛住個老竇。」
劉妻搞離婚
至於她跟劉家輝的婚姻，已在泰國定居的馬飛鳳直言：「其實十幾年前，我哋婚姻出現咗問題，當時為咗對仔女，冇離婚，之後啲仔女大咗，我哋決定離婚，但又因為好多原因未搞得成，而兩年幾前我返港但冇離婚，係因為想保護一對仔女，想對仔女見到爸爸，但到依家都冇用，所以，今次返嚟香港都搵緊律師搞埋離婚嘅手續。」
文：影視組