「廚王」秋生「味王」葛優鬥作「煮」
內地影帝葛優和港產影帝黃秋生於新片中首次合作，兩人碰面可謂惺惺相惜。昨日電影記者會上宣布，秋生於片中客串「廚王」一角，與飾演「味王」的葛優鬥戲。秋生表示求學時已研究葛優的電影，談到兩人的廚藝，葛優說：「我比較喜歡弄涼菜。」秋生則抵死說：「我淨係識『煮重你米』﹗」令全場忍俊不禁。
事後受訪時秋生說：「有一場戲要同霆鋒拍拉糖拉到好似『火鳳凰』咁，未拍o架！拉唔到就搵替身！（串星都要搵替身？）咁先夠寸！（廚藝？）拿手整意粉，都自創咗個『君臨雞』，好Juicy。（教人？）開餐廳好過啦！依家睇書研究整100款漢堡包。（你定霆鋒勁？）佢！我玩玩吓！（呢套係多地合拍片，代表你返內地拍片冇問題？）拍得即係冇問題啦！（想多返內地拍？）唔止，荷里活我都想去！」
