黃智賢爭獎呻輸蝕
藝人黃智賢及葉翠翠昨日現身油塘，為明珠台宣傳美劇《24：生死存亡》，有份角逐視帝的黃智賢說：「我有信心！但個劇始終係年頭播，按以往慣例都係輸蝕啲！（拉票補救？）我會謝票，多謝有投我票嘅觀眾，多謝佢哋仲記得雍正呢個角色。（會拍新劇《殭》？）好似有調動，因為《殭》個期1月hold到5月，但公司3月有個時裝愛情劇，我好想拍，分身不暇。」
翠翠則否認蜜運中：「之前被傳媒喺機場見到嗰位男士，只係了解中嘅朋友，以前我會急住想結婚，依家會了解一個人耐啲，再做決定。如果只係想搵人陪，可以好容易搵到，但呢行易吸引花心男，我以前都遇過，唔想再係咁，所以睇定啲先。」