溫家偉端午節吸金 赤柱賣雪糕
無綫藝人「大隻仔」溫家偉（Alan）去年夢想成真，和家人投資七位數於旺角開設雪糕三文治店「Stacks Ice Cream」。開店近一年生意不俗，最近更有意和好友兼無綫藝人許家傑等夾份投資再開分店，日前他就與許家傑在佐敦出巡睇舖。除開分店外，他更打算9號端午節殺入赤柱擺檔吸金，明顯想打造自家雪糕三文治王國！
孖許家傑睇舖開分店
力不到不為財，邊拍劇邊賣雪糕三文治的Alan，日前見他在旺角總店一腳踢，拉閘、收銀、搬搬抬抬都親力親為。即使做到大汗疊細汗，都未有絲毫鬆懈！Alan受訪時笑言其實自己非常眼瞓：「尋晚先開完夜，依家好眼瞓，不過為咗間舖當然冇所謂。」
Alan坦認有意開分店，將於端午節到赤柱擺檔：「端午節赤柱有好多人去扒龍舟，所以喺嗰度租咗個攤位，賺多啲，又可以多啲人認識舖頭。我每次活動都會搵朋友幫手，睇到時蔡思貝同張曦雯係咪得閒嚟！至於開分店，真係要睇定啲先，之前係有同許家傑去睇舖，個舖有兩層，都有諗過可以做埋workshop，呢個idea都唔錯！」
文：專案組