關心妍拋胸 辣舞任摸
關心妍（Jade）前晚舉行頭場演唱會，已為人妻的她在熱舞期間擘髀、自摸樣樣齊，更當住老公面前跟露點男舞蹈員埋身肉搏，大玩人肉三文治，又任女舞蹈員摸胸，實行男女通殺！
歌手關心妍（Jade）一連兩場的《關心妍『說』演唱會2014》前晚假九展揭開序幕，獲老公楊長智、蔡一傑、蔡一智與老婆、鄭希怡、丁子高及林欣彤等撐場。將頭髮及眉毛染成粉紅色的Jade，以透視旗袍打頭陣，並擺陳年攞錯獎瘀事上枱，她請到關菊英、吳雨霏、周柏豪等人拍片，菊姐在片中笑言自己無心害Jade，Jade表示最瘀都試過，可以豁出去，又感謝歌迷說：「多謝大家買飛入嚟睇，無論大家係睇關心妍、C12（關心妍曾以此化名拍MV）定關家姐，希望睇完可以了解我多啲！」
兩度喊爆
演唱會中段，Jade穿上紅色漆皮裙與露點赤膊男舞蹈員埋身肉搏！舞蹈員將Jade的裙脫掉，只剩白色bra top跟熱褲，Jade更當住老公面前，坐在男舞蹈員的重要部位，大玩人肉三文治，又被女舞蹈員「胸襲」，期間她彎身倒奶，意識極大膽！之後Jade被兩名男舞蹈員抱起，並做出高難度擘髀和打觔斗動作，又high爆自摸，Jade坦言：「頭先打觔斗真係好驚，好似跳樓咁！」
Jade又請到鄭欣宜及許廷鏗做嘉賓，她一見到許廷鏗就說：「你咁靚仔，如果楊生（老公）唔喺度，我錫咗你啦！」許廷鏗則讚Jade是義氣仔女，大爆她曾酒後吐真言：「有次飲醉酒，Jade同我講，如果有咩人蝦你就話我知，我實撐你。」
到尾段，Jade以粉紅色閃令令裙登場，正當準備唱歌，全場觀眾即舉起印有「關心心妍」字樣的紙牌，Jade感動爆喊說：「我打觔斗真係跳到瘀晒，好多謝班dancer，將唔可能跳舞嘅人變成跳舞嘅人！」安歌時，Jade又再感動落淚，並向老公示愛：「I love you楊生！仲有我嘅媒人，蔡一智同佢老婆，我真係好幸福！」
文：音樂組