黃美棋孖「男友」睇床戲

藝人黃美棋、麥子樂前晚亮相電影首映,美棋的緋聞男友鍾健威亦到場支持,二人合照時,美棋又尷尬又冧爆!美棋自爆於片中與麥子樂有醉酒床戲,笑言對方比她更緊張:「我都好緊張,但要扮鎮定,仲叫導演同佢試一次位,我喺床邊睇,仲飲咗一罐啤酒壯膽,拍咗幾次先完成。」

現身撐場的丁子高大讚中學同學麥子樂叻仔:「香港依家好少好似佢咁堅持嘅演員,希望佢有多啲機會。」他又透露近日轉天氣,囝囝氣管有點不舒服要忙於照顧。