郭晉安路見不平嗌到反枱

披頭散髮的安仔笑言曾在劇中嗌到反枱。

唔擔心被投訴

安仔昨日亦有以劇中造型示人，他披頭散髮，又不時蹲低表現「自我」，似足流浪漢。問他的角色是否患上躁狂症？安仔則笑謂：「正正常常都無乜嘢，係比較自我，不過一見到啲睇唔過眼就會路見不平。」更大爆劇中曾試過反枱狂嗌，因而經常聲沙。問他可有擔心劇中涉及社會議題而遭投訴？他直言網民的意見亦是指標，不過他謂：「我相信正面嘅會比投訴多。」

「論盡蚊」嚇人

蚊蚊昨日則收起長腿改以清純形象示人，T恤牛仔褲再配黑框眼鏡的蚊蚊亦別有吸引力。不過她的「論盡」之名在劇組人員中可謂響噹噹，就連路芙都忍不住幫她改名做「論盡蚊」，她估計因為自己經常性大懵，更常令她身旁的人都「十級戒備」，以防蚊蚊「出事」：「都幾好吖，有咁多人保護我！」

大懵的萬綺雯被封為「論盡蚊」，令身邊人都怕她「出事」。

黃光亮朗讀蔣志光的名曲放笑彈。

文：影視組