王晶等40年 元彪天師埋位
王晶與元彪首次合作非常投契，已約定明年大銀幕上「再續前緣」，前者更直言已圓其「集郵夢」。對於今次「處男合作」，二人抱有相當信心，更不排除開拍續集的可能。
對於「四十年來首度合作」拍攝新片《天師鬥殭屍》，王晶與元彪同樣大感興奮，而且拍出默契來。電影拍攝期正值寒冬，又因經常捱更抵夜，但元彪卻認為辛苦有價：「其實拍戲一定辛苦，大夜班再加間中落雨，但增添咗氣氛。老實講同以前啲殭屍片比較，今次啲場面真係大好多。」戲中與鄭中基及伍允龍等後輩「過招」，元彪對他們讚不絕口，更指後者功夫的確不錯。
《天》片的劇本原來早於十多年前已成形，而王晶與元彪今次「創造」出來的天師，沒有金剛不壞之身，更不是樣樣皆能，但勝在「人性化」。王晶坦言：「當時（指十多年前）因為資金問題而擱置，今次係攞番出嚟再作改動。我哋將預告片放咗上網，so far外界反應都唔錯。（合作得咁開心，開續集？）乜都有可能嘅。」
第100部戲預留角色
王晶明年將開拍自己的第100部作品《12金剛》，直言故事與荷里活製作《盜海豪情》異曲同工。他笑指經過今次合作後，已預留一個角色給元彪。元彪聞言即打趣說：「唔係叫我做門神呀？」問到王晶尚有哪個圈中人想合作？他卻宣布已「集郵」成功：「記得我初入行幫爸爸手拍戲，佢（元彪）已經係男主角之一，多年前本來有資金安排我哋合作，點知最終撻訂冇開戲，就一直等到《天》片……依家連佢都合作埋，我真係冇遺憾嘞。」據悉，王晶將《天》片的執導工作，交給新進導演陳翊恆，自己則做監製，他表示不介意為香港電影界培養多些人才。
文：影視組