王祖藍搶簽杜麗莎女兒

藝人王祖藍、杜麗莎(Teresa)及女兒TV Carpio前晚為《歡樂滿東華》綵排。唱得之人王祖藍面對兩位唱家班,不能不認低威:「佢哋太勁啦!(有壓力?)都冇乜追求,所以冇乜壓力,拍戲就得,唱歌唔得啦!」祖藍稱TV在美國百老匯唱音樂劇,Teresa曾帶他到後台介紹認識,今次TV將留港一段長時間,祖藍謂有意簽TV為其製作公司旗下歌手,Teresa聞言稱女兒是搶手貨:「獎門人(曾志偉)都話簽佢。」

至於前晚出席陳百祥(阿叻)63歲生日派對的Teresa爆阿叻飲醉酒,她和TV亦有即場獻唱:「個個都飲醉,(阿叻醉咗有冇講啲咩?)佢好多嘢講,仲錫我阿女!」