超盈唐貝詩復交同場當透明
早年擺明割席斷交的賭王四太千金何超盈及寇鴻萍女兒唐貝詩，近年雖然有指兩人已復交，但前晚兩人首度同場現身活動時，保持距離零交流，並不約而同各晒戀愛中的甜蜜幸福！
一班近年在海外留學的名人後代包括賭王千金何超盈、唐貝詩、鍾采羲及導演王晶女兒王子涵等，前晚出席銅鑼灣舉行的「倫敦藝術大學香港學聯慈善時裝展-VOICE」，早年反目不和的何超盈及唐貝詩首度公開同場，成為當中最矚目的一刻。前年超盈發表割席宣言，雖然近年傳出與唐貝詩「復交」，但前晚兩人未有合照，並各自以黎曉靈及鍾采羲為伴，保持距離，似乎是不想以「復交」來作焦點。
為富二代平反
超盈前晚透露活動是為幫助內地、印度及柬埔寨愛滋病小朋友的教育基金籌款，父親何鴻燊等親朋也有捐錢支持，超盈更直言富二代非只懂吃喝玩樂，其實會向社會伸援手幫助：「之前去過斯里蘭卡探訪，去到做助教教英文，平時都會做義工同埋助養小朋友。（男友Greg捐錢？）有，有錢出錢，遲啲想拉埋男友去柬埔寨探訪，一齊親身體驗吓！」她續說何超雲雖然熱戀中，但也有幫手支持。
未有和毛玉萍兒子男友Eric拍拖到場的唐貝詩則笑言：「佢返工冇嚟，佢太乖！（結婚？）冇，我今年先畢業，始終仲咁細個，嚟緊會去北京讀碩士同學普通話。（分隔兩地？）冇法，各有各忙，（點（目及）男友？）你哋幫我（目及）！（你好放心？）麻麻哋，不過我希望佢驚啲！哈！我哋感情穩定。」
猷君GCSE考獲十A
另外，超盈在微博公告弟弟猷君於英國會考（GCSE）考獲9A*、1A的佳績！她表示弟弟已由天才變狀元：「我們超為你驕傲啊！可是猷君的目標是十A*，所以一個月後有從（重）改的成績後，再給大家看成績表吧！」
文：名人組