江美儀啜凹「舊愛」黃智賢

藝人江美儀和黃智賢（Ben）前晚為在中環為劇集《點金勝手》拍攝外景，上演一幕激咀戲！二人在劇中飾演一對舊情人，當美儀知道阿Ben即將結婚，即主動與Ben在街頭激咀，更啜到面頰凹！鑑於美儀每拍親熱鏡頭，都會被網民封為「重口味」，問到美儀會否擔心？她表示：「今次唔會，Ben啲粉絲比較好人！（有冇尷尬？）冇呀，佢啲鬚鬼死咁拮呀！」對於剛公布的台慶頒獎禮入圍名單，美儀憑劇集《衝上雲霄II》入圍最佳女配角，她信心十足：「第4年提名啦，真係好想喺台上接受大家祝福同掌聲！」