麟李傳舞功扮驚嚇鄭多燕
譚詠麟、李克勤為答謝歌迷「秒殺」12月紅館演唱會門票，親身到售票處謝票，在「加場」訴求聲不絕下，宣布加開四場。「麟李」將於演唱會化身「驚嚇版鄭多燕」大跳瘦身舞，務求笑爆歌迷肚皮。
阿倫、克勤的「歐洲坊鐘錶與溥儀眼鏡聯合呈獻左麟右李十週年演唱會香港有聲音」將於12月6日至11日假紅館舉行，昨日演唱會首天公開發售，「麟李」專誠到售票處玩「快閃」向歌迷送驚喜。早已塞爆售票處的歌迷見偶像出現時，即將兩人重重包圍。阿倫化身攝影師與歌迷影大合照，氹得全場人笑逐顏開，歌迷不停問：「會唔會加場呀？」阿倫只笑而不答。當他得知六場演唱會只賣剩單丁位時，即表現風騷又再笑騎騎。
昨午「麟李」透過經理人公司送上第二個驚喜，宣布加開12月12日至15日四場，總共十場，取其「十全十美」之意。阿倫說：「同克勤欠咗唔少飛債，為解燃眉之急要加場，不過之後應該冇期再加。」
在公在私用得着
「麟李」在記招上大賣關子，指演唱會有「驚嚇」演出。為免吊歌迷癮，阿倫開估送上第三個驚喜，他謂：「我哋會扮『男版鄭多燕』，到時會帶領萬多觀眾一齊跳舞，既瘦身又健康，總之睇多幾場就瘦多幾磅，成個fit晒。」他又稱尚未開始練習，暫未知「男版鄭多燕」造型，但一定有驚嚇度。問可擔心吃力？克勤說：「吃力一定有，相信我哋會跳得起，在公在私都用得着，大家又可以做吓運動。」
另外，「麟李」接受電台訪問時，克勤指阿倫的《小風波》很難唱，因他家中沒有小風波，阿倫則賣花讚花香：「好多屋企家庭有事一唱呢首歌就一帆風順。」
文：音樂組