麥貝夷拍拖好需要身體接觸

歌手麥貝夷（Karene）與KillerSoap低音結他手男友陳樂恒前晚拍拖出席電影《我想吃掉你的胰臟》首映，陳樂恒笑言起初要玩地下情非常難捱：「當時成日要前後腳，我驚我忍唔住從後攬住佢。」Karene說：「我哋係好需要身體接觸。（你係一個好Chur嘅女友？）係呀！哈哈！係黐身型女友，佢有時唔記得報到，都曾經爭執。」問男方有否小浪漫？Karene說：「有時講吓『I Miss You』都好開心，今年生日前幾日佢煮飯我食，好Sweet！」對於Karene之前自爆被男友嫌棄身材，陳樂恒說：「我明明鍾意瘦！我想佢做Gym，係想佢有腹肌咋！」同場的林熹瞳表示忙為胞姊林聞恩的新歌宣傳，又透露正籌備網上平台，希望開拓收入來源。