李彩華富婆恨拍拖

近年主攻內地的女星李彩華昨日出席慈善活動，捐出衣物義賣籌款，她透露有助養兒童，希望將來可成立慈善基金，提到在內地發展不俗，有傳身家豐厚達八千萬元，她笑住說：「係媽咪叻，佢識投資，但唔係炒股票，我哋鍾意穩陣啲。（買樓？）係！（有幾多物業？）四間。（小富婆喎！）唔係啦！仲要繼續努力，因為媽咪有人生經驗，覺得唔好靠男人。」問李彩華會否怕做了女強人難搵伴侶？她笑言將踏入三字頭也感擔心，但表示每日也有祈禱，希望上天賜好男人。