翁嘉穗就快40 急住追女

翁嘉穗自言未夠40歲，正努力與老公追個女。

前晚珠寶品牌Adler舉行30周年慶典晚宴，大會特別邀得賭王何鴻燊三太陳婉珍、名媛翁嘉穗、鄭明明、模特兒貝安琪等到場。前港姐翁嘉穗穿上火紅色晚裝裙現身，大騷fit爆身材，並透露近日忙於跟老公鄔友正四圍飛，半公半私，問到兒子由誰照顧？她笑說：「佢都大個啦，十幾歲讀中二喇，佢依家仲高過我，啱啱同佢轉咗國際學校，佢係讀本地小學，學咗基本嘅中文，所以中學就轉讀國際學校囉，冇咁大壓力嘛，始終本地學校傳統啲！」

囝囝想要細佬妹

談到早年翁嘉穗欲追女一事，原來她一直努力中，她說：「我不嬲都鍾意女，早幾年冇咁心急，但呢排就真係計劃，自己都有調理身體，（好多女星過咗40歲都生BB？）我未夠40歲！（有冇問過囝囝意見？）佢細細個就想有個細佬妹，買玩具會買多份話畀細佬妹o架，所以佢應該OK，老公都想！」

貝安琪穿上黑色喱士低胸裙，艷光四射。	名媛榮雪梅優雅到場。	陳婉珍（左）與Adler老闆娘何彭慧嫻盛裝現身。

貝安琪低胸誘人

貝安琪則穿上黑色喱士低胸裙，她稱有留意有份演出的電視劇《巨輪》，身邊不諳廣東話的朋友也有畀面捧場，問其母劉香萍可有給予意見？她笑說：「佢日日都同我講要學習同進步。」她又謂喜歡拍電影和電視劇，也希望可以多拍港產片。原本大會表示也邀請了久未露面的三太女兒何超雲出席，但最後超雲卻由秘道入場，沒有受訪。