薛家燕自爆甩拖冇Honey

藝員薛家燕前晚在中秋佳節到將軍澳電視城錄影《超級無敵獎門人終極篇》,有仔女陪伴錄影的家燕姐透露錄影後會一家人食飯慶祝中秋。四月份家燕姐被胡楓爆有新歡,問到家燕姐的男友會否一同慶祝﹖她說:「哈哈哈,我冇咗Honey喇!王菲都忍咗咁耐先講,今日係中秋節,人月兩團圓,遲啲再講。」追問家燕姐是甚麼時候分手﹖她隨即借尿遁閃人。

主持錢嘉樂透露年底與老婆湯盈盈環遊世界一個月,他說:「都諗住生多個,咁又未必係今次嘅,仔女都冇所謂。」