歐倩怡囝囝表演欲強
藝人歐倩怡（Cindy）昨日在鑽石山出席兒童閱讀活動，她表示一向有和大仔講故事的習慣，更即場示範平時講故事時會自製的聲響效果。受訪時，Cindy透露囝囝非常喜歡表演，她笑言：「所以唔帶得佢出嚟，佢會衝上台搶咪！之前同佢報啲英文話劇班，佢以為係返工，以為同爸爸郭晉安做一樣嘅嘢！」
另外，婚後一直有進修的Cindy，年尾將畢業，她說：「終於可以戴四方帽做大學生啦！」而大仔亦即將升讀小學，她指已有心水學校，問到會否搬家到校網附近，她謂：「好難呀！以依家啲樓價嚟講，同埋我對錢好冇concept，要問番安仔！」