林莉升呢着千萬婚紗
名模林莉三個多月前為追求理想，不惜暫時放下香港市場，獨闖巴黎時裝舞台，最近她終於回歸。昨日林莉換上新髮型，穿上由著名本地時裝設計師Arthur（林樹彬）設計、價值1314萬、鑲有270卡鑽石的婚紗壓軸行騷。
林莉受訪時被問到鑲有270卡鑽石的婚紗是否很重，她大賣口乖，表示該大露背婚紗令她很高貴：「好安全，着咗上身，乜都唔記得，好有貴氣！」日前才從巴黎回港的她更與記者大談在巴黎的生活，她說獲當地品牌寵愛感開心，問是否向國際進發？她坦言：「探路先，我好鍾意當地生活同工作，我都簽咗當地模特兒公司。（買樓？）當地銀行要我開75萬投資戶口先，但我唔想投資住。其實嗰邊租樓好貴，每月要四、五萬，諗落買樓會抵啲，今次我住寄宿家庭，同一個退休太太住，佢好鍾意中國文化，佢仲教我中國書法。」她又讚法國男孩很浪漫。