黃宗澤急覓筍舖感情隨緣
黃宗澤（Bosco）昨出席「全新Shell燃油激發駕駛新體驗」活動。他透露剛完成橫店的拍攝工作不久，日前則忙裏偷閒，飛往馬來西亞休息數天。談到他有份投資的食肆，Bosco表示重開兩個多月，已達收支平衡，又指當地租金吸引，可讓他擁有過萬呎舖位。至於早前他被本報拍得在港睇舖計劃投資三百萬開蠔吧，Bosco笑謂：「想開蠔吧，自己又鍾意煮嘢食，所以咪周圍睇舖囉。（置業？）邊有咁多錢，諗住租啫，不過未睇啱，想搵平租啲，羊毛出自羊身上呀，想快啲搞掂年中可以投入做生意。」當記者笑指感情生活是否遇上「筍盤」時，Bosco即答：「我依家想搵筍舖先，其他嘢隨緣唔急嘅。」
另外，有傳有網民自稱是Bosco經理人，他說：「唔擔心，TVB好穩陣，保護得我哋好好。」Bosco又自喻為車迷，猶記得年前參加慈善賽車，遭張家輝撞倒，第二年則輸畀錢嘉樂。而現實生活中他會安全駕駛，加上工作繁忙，平日有聘用司機。
