去年10月郭富城與苟芸慧因合作拍攝電訊廣告而被指撻着，「小三」傳言甚囂塵上，苟姑娘由初時的「冇聯絡過」直到近日的眼濕濕否認是「小三」，明顯對傳言極為介意兼無奈。
上月有指苟芸慧介入「富黛戀」，當時苟姑娘理直氣壯撇清緋聞：「拍完廣告之後都冇聯絡過，我連佢電話都冇，最多係喺微博回應。」
苟芸慧在電台接受訪問時，就一時口快發表「爛桃花」言論，她說：「近排多爛桃花，我都覺得無奈。」
「爛桃花」言論一出，即觸動當時「正印城嫂」熊黛林神經，苟姑娘為補鑊即時「耍冧」：「我喺度say sorry，可能我中文唔好用錯字。」
「富黛戀」正式宣布分手，苟芸慧被追問時即眼濕濕大呼：「我唔係小三！我好無奈畀人咁寫。」
