前香港跳水代表隊成員俞越指跳水是危險運動，需經長時間訓練才能參加比賽。他說：「我都有睇過呢類跳水節目，知道藝人要喺短時間內學識具難度嘅跳水動作，如果訓練做得唔足夠，好容易受傷，有一定危險性。我哋當年六歲就開始接受訓練，係好漫長。我見阿Sa做頭落水嘅動作因為要平衡身體，都唔簡單，起碼要練一頭半個月。」
俞越又稱跳水需要潛質，更大讚曾跟他學跳水的蔡一傑有料到：「佢好有潛質，跟我學兩三個月就識做周半轉體動作，傑仔仲話想參加比賽添！」
