梁烈唯恨闖影壇拍巨星
梁烈唯與無綫高層李寶安、樂易玲昨日出席慈善步行活動，提到導演王晶本想與唯唯簽十部片約，但因唯唯近日受涉嫌誹謗官司而影響情緒，令王晶哥跟他改簽一部。唯唯叫記者幫口叫王晶再簽他：「我唔會將情緒影響工作，我好想同周潤發、謝霆鋒合作。我本身冇特別唔開心，雖然錢唔係最重要，但都要養妻活兒。」
有指唯唯獲超級高層力撐，李寶安對此否認：「唔係『超級高層』，係公司政策，任何藝員遇到唔公道，公司都會支持同保護佢。」樂易玲則指徐淑敏（Suki）沒因老公黃浩關係而不開心：「Suki簽咗TVB經理人合約，我哋依家仲幫佢接緊好多工作。」（傳Suki轉做美容生意？）佢冇咁嘅意思，佢仲同TVB有好長合約。」