Mr.憑歌寄意喚醒目標
樂隊Mr.全新主打歌《What Are We Fighting For》，顧名思義是探討深層意義，主音Alan說：「究竟人生存係為咩嘢而奮鬥？呢個係好大題目，由三歲到八十歲都會有唔同答案。但我哋唔係要你畀答案我，只係想大家可以認真諗一諗。」
近年社會上大家各自為不同訴求走上街頭，Mr.發現一個有趣現象：「我哋見到好多仲讀緊書嘅小朋友，同佢哋傾偈覺得雖然年紀輕輕，但思路清晰，目標明確而且好有主見。」他們希望透過歌聲喚起大家追求自身目標。
Mr.親自操刀拍MV，走訪大街小巷，訪問不同市民的人生目標。成員Dash稱：「今次所有嘢都係我哋一腳踢，希望可以令樂迷感受到我哋嘅誠意。」
場地：Table 18