陳嘉桓處女整餅氹掂愛犬

每逢中秋佳節眾人都會食月餅、玩燈籠賞月應節，這些應節玩意年年如是，有見及此，今年陳嘉桓則與同門的周定宇嘗試新搞作，落手落腳去整月餅。

屬愛狗之人的Rose更特別炮製給愛犬食的冰皮月餅，日前兩人則來個整狗月餅比賽，更找來Rose的愛狗Zero做評判即場試食，見兩人整得有板有眼，用了約15分鐘時間便已經完成製作過程。

同家人分享

結果Zero選擇了主人的處女作品，令Rose非常開心，她說︰「我整嗰啲梗係好味啦，賣相都唔錯，Zero真係識食。今次係我第一次整月餅，其實好易整。」至於周定宇雖然敗給Rose，但他直言會把月餅跟家人分享，他說︰「今次學識整，之後會整畀屋企人食，其實都幾特別。」

Rose餵愛犬Zero品嘗她的處女作品，場面溫馨。	Rose與周定宇首次整月餅，兩人直言過程相當好玩。	周定宇希望親自整月餅跟家人分享。

孝敬冼師傅

對於自己的處女作品得到愛犬肯定，Rose揚言要把整餅技術研發給別人，問她會否乘機撈過界搵番筆？她笑說︰「哈哈，呢啲太長遠，依家我都係畀親朋戚友試吓先。以前都係食fans送嘅月餅，今年就可以自己整畀自己食，都唔錯呀。」

此外，Rose與周定宇更笑言諗計整個巨型冰皮月餅孝敬師傅冼國林，兩人說︰「有諗過整個巨型月餅畀師傅食，但要物色一個好嘅模先，而且仲可以幫師傅布置成屋都係燈籠，一定會好靚。」

文︰專案組

攝︰李柏儒

場地︰Easy‧Chef