羅仲謙對厭黃智雯嗌分手

打從拍劇集《搜下留情》開始，以至最近播完的《巴不得媽媽……》，短短幾年間，羅仲謙與黃智雯已合作五次之多，幸而未令觀眾生厭。謙仔笑言：「拍佢唔夠膽有遐想啦！（接到密令？）係發自內心，唔關任何嘢。記得拍《搜》劇時，智雯好傻氣，雖然中間時間大家拍咗其他嘢，但見到佢嘅轉變，幾有新鮮感。（點睇你同智雯關係？）單獨問我就答你係姊妹，默契係隨時間培養，會知對方底線。」
智雯作狀大力扭耳仔，謙仔即甚有默契chok出趣怪表情。
智雯作狀大力扭耳仔，謙仔即甚有默契chok出趣怪表情。

雖然觀眾對他倆甚為受落，但謙仔與智雯均認為見好就收，故暫作分飛燕。智雯說：「都係想試新嘢，好似演前世有仇，姊妹都好o架！（梁烈唯同謙仔，你鍾意拍邊個多啲？）唔同感覺，一個係老公，謙仔就有戀人感覺。其實之前合作咁多次，今次開始都驚人哋會厭，點知效果又OK，不過係時候分開拍吓其他。」

否認性騷擾

另外，說到歌手蔚雨芯早前指與謙仔拍劇時，曾被他問是否處女？對此謙仔昨回應說：「唔係事實嘅嘢唔需要講太多，做得呢行食得鹹魚抵得渴。（覺得對方博宣傳？）我唔知，我都係專心做自己嘢！（楊怡信你？）咁你要問番佢。」

兩人合作無間，培養出深厚的「姊妹情」。
  • 兩人合作無間，培養出深厚的「姊妹情」。
羅仲謙被指口花花騷擾女性，他表示非事實不想講太多。
  • 羅仲謙被指口花花騷擾女性，他表示非事實不想講太多。