祖兒面具背後 扮tough

貴為天后的祖兒入行十三年，在別人眼中，她一路走來每步輕鬆易行，查實有苦自己知：「大家覺得容祖兒呢個女仔好易得到好多嘢，所以對我要求都特別高，而且好多時只係關心我面層嘅嘢，冇理我付出咗幾多。」

感觸痛哭

剛完成Moov Live音樂會的她自爆曾一度感觸哭成淚人：「活喺呢個世界太複雜，每日都要用好多嘢去包裝、堆砌自己，去呈現一個人哋心目中嘅祖兒！」一言一行都受到大眾關注的她，坦言每次應付傳媒都要思前想後：「個個都會好focus你點處理問題，我就次次都好似玩遊戲機打大佬咁，好緊張有做錯嘅時候。」

祖兒每日也努力包裝自己，「塑造」堅強的形象。	圈中十幾年，祖兒遇上再大的挫折也會輕鬆度過。	放大圖片

扮到麻木

外表堅強的祖兒，自言也有軟弱時：「其實我唔係人哋諗得咁tough（硬淨），每個階段都有傷腦筋嘅關口，但就算心裏受到幾大挫折，面對觀眾、記者都要扮到若無其事、輕鬆自如！」身經百戰的她，已開始「扮」到麻木：「惟有用力啲收埋自己心中嘅脆弱，不過我依家開始麻木，習慣咗就冇乜嘢啦！」但她又隱隱續說：「我唔會掩飾得好好，畢竟我都係人。」

文：音樂組

攝影：沈健程

化妝：Arris Law

髮型：Jimmy Chan@Hairculture

形象：Luka So

場地：Iconic Bar