GaGa伸手互動粉絲爭住摸
GaGa前晚舉行第三場香港演唱會，雖然宿醉略現疲態，但與觀眾互動時間比首兩場為多，炒熱全場氣氛。粉絲多次拋T恤、外套及珍珠頸鏈等禮物，GaGa亦識做地穿上外套及戴上頸鏈，並說：「我阿媽好鍾意珍珠，完騷後會送畀佢。」
演唱會尾聲時，GaGa於環形舞台邊跪坐下來，首次向「Monster Pit」特別區的粉絲伸出手，粉絲見狀蜂擁上前，有幸運粉絲摸到GaGa玉手即興奮尖叫，亦有粉絲跳前拍打GaGa的手。安哥時，GaGa自彈自唱《The Edge of Glory》，有歌迷趁停頓位大叫「我愛你」，GaGa回應：「我也愛你！」
DaDa唔夠喉
o靚模陳靜（DaDa）與經理人施念慈前晚結伴欣賞GaGa演出，DaDa說：「真係好睇，但嫌太短，我畀80分。（學佢大膽造型？）唔夠膽，但我欣賞佢挑戰新嘢，我想睇佢更激造型。」有份捧場的陳敏之則說：「我畀99分，好少喺香港睇到咁完美嘅演出。」而剛為人妻的姚樂怡睇完騷後，即急不及待上載與好姊妹周家蔚、湯盈盈等合照在微博。
另外，前日GaGa下榻酒店外聚集大批粉絲，當時有工作人員指GaGa翌日可能會出來見他們，但昨日仍未見GaGa現身。而GaGa昨晚約7時在twitter上載照片，並留言：「晚安寶寶，我愛你們。」
文：外娛組