梁慧恩環保婚宴 心急造人
富二代林忠澤昨日小登科，迎娶拍拖近兩年的「Roadshow主持」梁慧恩（Viann），渴望為林家盡快繼後香燈的Viann，直言完成婚宴後立即造人，目標生兩個，林忠澤則承諾會照顧她一生一世，認真甜蜜；而堂兄林忠豪則自稱媒人，笑言要攞媒人利是。
林忠澤與梁慧恩（Viann）昨晚於灣仔君悅酒店舉行婚宴，筵開40席，一班曾與新娘子合作過的藝人鮑起靜、戚黛黛、林韋辰等亦有赴會，任職環保公司的Viann更以環保組織的紅、白、藍三色作為婚禮的主題，婚宴食譜中更沒有魚翅，菜單清淡。
斟茶給長輩灑淚
晚上七時半一對新人受訪，穿上白色婚紗的Viann手上戴上珍珠鑽戒，而林忠澤率先發言：「今日係人生最開心嘅一日，多謝上主同老婆，會照顧佢一生一世。」問到二人何時造人？Viann即興奮笑謂：「今晚就造，想生兩個，男女都冇所謂，老公就話順其自然。」林忠澤透露早上接新娘時，既要做掌上壓，又要wasabi擦牙兼飲苦瓜汁，令他大感難忘，更指及後斟茶給長輩時忍不住流淚。
而林忠豪傍晚到場打點，他表示已給新人送上現金加禮物：「佢哋應該畀番封媒人利是我，因為當日係我請Viann入嚟公司，我哋相識10年，今日仲做埋一家人，親上加親，佢工作上好幫得手，今日做埋弟婦應該會好好，（幾時到你？）全家日日問同一問題，細佬同堂弟爬咗頭，有點尷尬，之前影到嘅係朋友。」
文：影視組